June 20, 2025: The Integrated Disease Surveillance Programme (IDSP) khan laga hisab te. Maniput tee tea 16 nutun Covid-19 Bimar Cases toh ulaishe koishe 24 hours bitor te. Yete sob milai kina 51 bimar cases nishina ase koishe.
Hoilebi etea tak etu bimar para kunbi murea nai koishe. Aru Districts khan majote. Imphale East te sobse bishi ase koishe. Yete 8 cases ulaishe 13 samples nishina te, Positive Testing kurishe koishe. Yete Positivity rate toh 61.5 per cent te ase koishe.
Imphal West te 7 cases nishina ase koishe 15 Samples te. Yete 46.7 per cent Positivity Rate dikhai ase koishe. Tengnoupal te toh ekta Positive cases ulaishe koishe. Aru alak Districts khan te toh report kurea nai koishe.
Aru testing laga report hisab te. State Pura te 38 samples nishina test kurishe koishe. Aru yete 16 nishina khan toh bimar thakhishe koishe. Yete State-level Positivity toh 42.1 per cent te thakhishe koishe. Aru June 1, 2025 para. Manipur te 185 Covid-19 Tests kurishe koishe. Aru etu khan te 53 nishina khan toh Positive ulaishe koishe.
Add Comment