November 07,2020: Officials koikena janaishe ki Manipur te aro bi duijun Covid 19 para last 24 hours te murishe etu para death toll toh 191 te punchise.
Dr Khoirom Sasheekumar Mangang, additional director aro spokesperson health department para statement te koikena janaishe ki Last 24 hours te duita manu 47 years (mota Imphal West) aro 86 years (mota Imphal West) RIMShospital te murishe.
Akhe wala manu mura covid19 nimete state te July 29 te hoishe aro akhe wala positive case toh march 24 te paishe.
Statement te koikena janaishe Etia last 24 hours te 159 civilians (etu te 85 males and 74 females )aro 7 Central Armed Police Forces personnel khan positive paishe.
Etu nutun Covid19 cases te state laga 23 facilities te paishe.etu toh sob locals khan thakishe travel history nathakikena.
Release te koikena janaishe ki Dusra kotha toh komti hoilebi 342 manu khan bhal hoishe 19 Covid care facilities para 24 hours bithor te state te.
Recovery rate toh 80.90% ase.aro koikena janaishe ki etia positive cases laga number toh 19891 ase aro active cases toh 3608 ase.November 6 tak total recovered cases toh 16,092 ase.
Officials para koikena janaishe Etia tak 4,39,324 manu khan alag alag entry points te saishe state te aro 3,66,212 manu khan etu beemar para bhal hoishe.
Add Comment