Manipur Te 24-Hours Shutdown Thakhishe, Aru Jakali 6pm Te Khotom Kurishe

Imphal, December 29, 2024: Saturday din te, Manipur laga State te, 24-Ghanda karne shutdown thakhishe koishe, etu toh December 14 din te, Youth Ekjun ke murai dea nimete. Joint Action Committee (JAC) khan para justice mangea nimete ase koishe. Etu shutdown toh December 26 laga din 6pm para suru hoishe aru, December 28 din laga 6pm tak thakhi she koishe. December 14 din te, Manipur Police Commandos khan para 16 saal Laishram Priyam ke muraishe, aru choita manu nishina ke arrest kurishe koishe, yete banduk para larai kuri kina, Thoubal District laga Salungpham Maning Leikai te. Yete murea manu ke Salungpham High School laga osor te murai she koishe. Aru taike Raj Medicity Hospital laga Imphal te loi jaishe koishe. Aru etu oaga eki din tehe, JAC khan para etu choita manu kebi chari dibi koi kina mangea ase koishe. Yete Coordinating Committee Manipur Integrity (COCOMI) aru Students Front aru Women’s Wing khan para bi taikhan laga modot nahoilebi support kurea ase koishe.