Agencies, 05 January: Officials para contagious African Swine Fever (ASF) toh Manipur te report hoise aro situation toh control te ase koise. Director of state veterinary and Animal husbandry Dr Chaoba Singh bemari toh Salungpham area, Thoubal district aro Nongmaiching Chingkhong(Wakha) area, Imphal East district te paise koise.
Etiya tak koi thaka jaga te bondh korise aro sanitised korise koise. Area para one km radius toh bemari naphelibole nemite control korise koise. Surveillance be areas laga 10 km radius pithor te jai ase koise.
Singh para gauri laga illegal imports nemite bemari laga karan hobo pari koise.
Jowa sal ASF para besi gauri toh Assam te moraideya thakise aro etu bechite Manipur te garu import toh bondh kora thakise.
January 2 direk Thoubal laga administration para order toh Prevention and Control of Infectious Contagious Diseases in Animals Act 2009 pithor te deya thakise. Etu toh ASF nemite Kangyambem, Lokchao, Salungpham Mamang Leikai te “controlled areas” nemite thakise.
Etu eki samai te, Imphal East District administration para January 4 direk order te, district laga Nongmaiching Chingkhong(Wakha) area te piggery farm toh “infected premises” hisab te declare korise.
District administration para be area aro zone pithor para gauri naloijabole restrict kora opor te etu controlled area” and “infected zones” te gauri aro gauri mangso nabekhabole bondh korise.
Manu khan nahoile /institution/organisation kon hoilebe etu containment measures te mananai koile Act pithor te galdi korise manibo koise.
Add Comment