Manipur te beshe operations khan te beshe bunduk pai she

Imphal, January 25, 2026: January 4 te Security forces khan Manipur te beshe bunduk, gule aro bomb khan pai she, Manipur laga alak alak jaga te para. Official sources khan laga hesab te, etu saman khan toh Manipur laga Churachandpur, Imphal West aro Imphal East districts khan te coordinated operation kurea homoi pai she. Tai khan bunduk, grenade, IEDs bomb, aro proctective gear pai she koi she. First operation te, secuirty forces khan beshe bunduk pai she, Loilamkot aro Nalon laga betor te, kunto Churachandpur Police station laga betor te ahea. Tai khan tinta RPG laga gule pai she, pasta 30-mm grenade, aro ekta bolt action rifle, duata single barrel rifle aro dosta SBBL gule pai she koi she. Aro utu din te alak ekta operation te, Waheng Khuman Mamang Leikai te aro dangor bunduk pai she, Imphal West district te. Tai khan duata modified .303 rifle, tinta pistol, six magazine, tinta grenade, 23 gule, ekta detonator, charta mortar bomb, ekta IED aro 1 kg laga bomb pai she koi she. Aro Naotrok Hill range te operation kurea homoi, security forces khan ekta double barrel breech loading (DBBL) bunduk, ekta 9mm pistol, duata grenade, ekta rifle grenade, duata INSAS rifle magazine, 20 gule, ekta bulletproof helmet, duata bulletproof cover aro duata bulletproof iron plate pai she.