Imphal, Jnauary 14 : Eman charcha chuli thaka Bharat Jodo Nyay Yatra tu Sunday(January 14) te Manipur laga Thoubal district te suru hoisey. Congress laga Chief Mallikarjun Kharge aro Congress MP Rahul Gandhi para Thoubal district laga Khongjom jag ate ekta event chuli thaka homoitey formal tarika para etu yatra laga suruwat kurisey.
Etu event kuntu ke bisi alag alag national aro regional congress leader para attend kurisey etu te, Rahul Gandhi ke etu Yatra inaugurate kora dikhisey aro rajya te chuli thaka situation ke loikina BJP sarkar ke target kurisey.
Jama huwa manu khan ke kotha kurikina, Rahul Gandhi para Manipur te chola etu situation laga kotha kurisey aro diktar laga homoitey tai para rajya te aha homoitey ki dikhisey etu laga bi kotha koisey.
Rahul Gandhi para koisey, “Ami tu 2004 para politics te asey aro first time moi India laga ekta jaga ke visit kurisey kotey rajya ke chola laga pura puri infrastructure tu barbad hoikina asey. June 29 picheyte, Manipur tu Mnaipur nathaka hoijaisey, etu tub hag hoijaisey aro nafrat tu sob jag ate feilijaisey, lakh opor manu khan para dukh jhelisey. Manu khan para taikhan laga suku osor te taikhan laga morom thaka manu khan ke murija dikhisey. Aro etya tak bi, PM Modi para apni khan laga suku pani musibole nimitey aro haat dhuribole nimitey yatey ahanai. Etu tu ekta sorom laga kotha asey. Hobo parey, PM Modi, BJP aro RSS nimitey, Mnaipur tu India laga hisa nohoi.”
Rahul Gandhi para etu bi koisey ki aji Manipur tu BJP para nafrat laga politics chola laga ekta symbol hoisey.
Tai para koisey ki Mnaipur tu BJP laga rajneeti laga ekta symbol asey. Manipur tu BJP aro RSS para ghing kuriya laga ekta symbol asey. Mnaipur tu BJP laga najariya aro bhabna kora tarika laga ekta symbol asey.”
Rahul Gandhi para agey barikina koisey ki Congress party para dukh paikina thaka rajya, Manipur te shanti wapas anidibo.
Rahul Gandhi para enaka koisey, “ Apni(manu khan) para apni khan ki value kurisey etu haraidisey, hoilebi apni khan para ki value kurisey etu bisarikina apni khan ke wapas kuridibo. Manipur laga manu khan ki dukh para gujri asey etu amikhan buji asey. Amikhan tu apni khan para dukh pa, haraija aro monduk huwa tu bujidi asey. Amikhan apni ke kosom khai asey kiapni khan para kuntu ke kimti manisey etu wapas anidibo, amikhan para rajya te ekjun ekjun logotey milijulikina thaka, shanti aro morom wapas anidibo.
Etu plan kurikina thaka journey te 5:30 pm fale Imphal laga Koirengei Bazar te break luwa aro Imphal laga Sekmai jag ate thaka Koujengleima Sports Association Football Ground te ek rati boha shamil asey.
Add Comment