Imphal, April 09 : Sajibu Cheiraoba koikina Manipur laga Meitei khan laga “Manipuri New Year” tu ekta poila para manaikina ahi thaka tyohar asey kuntu ke hodai saal Sajibu moina(April moina nisna) laga first din te mania.
Etu indigeneous Manipuri New Year- 2024 tu Tuesday din te sob Meitei manu laga ghor te ritual, mon khusi hoikina aro bara khana kurikina manaisey.
Etu tyohar ke zinda rakhikina, manu kha tu nutun kapra lagaikina taikhan laga ghor ke safa rakhey.
Etu tyohar laga ritual laga his ate, sob Meitei manu laga ghor laga gate te taikhan laga bhagwan ke bhal para sajaikina rakha kha luwa bustu khan offer korey.
Shaddi hoikina thaka didi-bhuini khan para etu din te taikhan laga bhai-kokai, ama-baba aro guardian khan ke nutun kapra present kurisey.
Etu din maniya tu King Maliya Phambalcha(1359 BC-1329 BC tak) rajya ke cholai thaka homoitey maniya suru kurisey.
Manipur Governor Anusuiya Uikey aro Chief Minister N Biren Singh para Cheiraoba laga occasion te manu khan ke taikhan laga greetings barai asey.
Tailaga statement te, etu Governor para taikhan laga differences khan tu alag kuridikina aro ekta common goal nimitey kaam kurikina Manipur ke behtar banabole kosis kuribole request kurisey.
Tai para manu khan ke taikhan laga dosti laga bond tu tagra banabole nimitey nijor ke rededicate kuribole hosla baraisey taki sob community khan tu kokai-bhai aro didi-bhuini nisna thakibo paribo. Aro caste, bhasa aro dhorom te differences thaka tu bardas nukuribo.
Duniya laga alag alag hisa including Myanmar, Bangladesh, USA, Canada, Europe aro Australia te boha Meitei khan para Cheiraoba tyohar maniya laga reports olaisey.
Etu saal, etu tyohar laga celebration tu Meitei aro Kuki majotey larayi jhagra chuli thaka nimitey restrict kuridisey.
Add Comment