IMPHAL | March 15: Manipur te saathta notun districts bona laga mamla te, Manipur government, United Naga Council (UNC) aro Centre khan laga majote Senapati district headquarter te Tripartite talk laga 11th round thakise.
Etu meeting samoy te, Manipur government pora koise kin tai khan pora district bona laga mamla nimite etu saal July te UNC pora mangiya nisina ekdam bhal offer loikena ahibo.
Hoilebi, state government pora diya samoy bithor te mamla door koribo olaga fesla na aniya nimite UNC toh monjur nahowa dekhaise.
Etu meeting toh Centre pora matise aro Satyendra Garg, Joint Secretary (NE), Ministry of Home Affairs (MHA) pora loikena, United Naga Council te President S. Kho John pora loikena General secretary, S. Milan aro aalag klhan thakise.
Satyendra Garg, Joint Secretary, Ministry of Home Affairs pora koise, “Government of Manipur pora koise ki aji laga kotha nimite ekdam bhal kotha loikena ahibo koise hoilebi tai khan pora koise ki Citizenship amendment bill aro aalag diktari log powa nimite tai khan loikena ahibo pariya nai. Tai khan pora koise ki bhal kotha loikena July te ahibo kile koile election thakiya nimite.
“Tai khan konoba samoy laage koise hoilebi United Naga Council pora etu ke maniya nai aro tai khan pora koise ki etu nimite besi samoy dise hoilebi ekko kotha dayar koriya nai, tai khan Naga manu khan logote khotha koribole laagibo. Kotha koriya bicchete tai khan laga phabana toh India laga Government ke kobo laagibo.” Garg pora koise.
Etu meeting laga jowa round toh September 1, 2018 te Senapati district headquarters te thakise aro Tripartite talks laga pohoila round toh March 19, 2017 te UNC laga demand ki purana government pora bona notun saathta district hataibo nimite, ke kotha koribole thakise.
Add Comment