Manipur te Drugs 13 crore daam durishe

IMPHAL: Manipur Police aro dosura security agencies laga personnel para tinta(3) alag-alag hatsa te drugs Rs 13 crore neshina daam thurishe, koikena khobor para janaishe. Puila thura hatsa te, suspected brown sugar weighing 2.121 kg toh 52 soap cases pithor te thurishe aro etu drug toh market te Rs 4,24,20,000 laga daam ase koishe. Etu suspected brown sugar toh ek jun manuh W Mathuhema koikena Manipur, Senapati district te thurishe. Dosura hatsa te, suspected brown sugar weighing 2.293 kgs toh 55 soap cases te thurishe aro etu drug laga market daam toh Rs. 4,58,60,000 ase koishe. Etu drugs toh tui(2) jun H Wilson aro Solomon, tai jun toh be Manipur, Senapati district laga manuh ase aro police para thurishe. Etu samai operation toh Tengnoupal police aro 20 Assam Rifles battalion laga personnel para thura ase koishe. Tinta(3) hatsa wala te suspected brown sugar 2.194 kg toh 53 soap cases te thura ase aro etu laga daam toh Rs 4,38,80,000 neshina toh Peter Hemkhomang Baite, Moreh jaga para thurishe. Etu drugs thura sob melaikena NCB hesab te calculated korikena Rs 13,21,60,000 daam neshina laga ase, koikena police para khobor toh janaishe. Tinta(3) alag-alag FIRs toh Tengnoupal police station te registered korishe.