IMPHAL , September 12, 2019 : Manipur te first time Wednesday din te seven stored residential apartment laga foundation stone halishe.
Etu foundation stone toh Chingmeirong, Sangakpham, Imphal East District te halishe .Etu project toh Kangleipak Infrastructure and Housing (KIAH) Enterprise para loishe.
Etu foundation stone dhala te Manipur chief secretary Dr J Suresh Babu, commissioner M Joy Singh of Municipal Administration Housing & Urban Development(MHUD) aro director Th Harikumar Singh ahise.
chief secretary Dr Suresh Babu para etu occasion te kotha kura time te Kailash Company ke khushi janaishe Manipur te etu bona nimete .
Aro loishe mati toh etu valley te eman nai tai koishe etu time ase ami khan laga mati bachabole nimete aro etu logote manu khan ke thik thak facility dibole lagibo.
Manipur toh ekta seismic zone aro earthquake aha jaka thaka nimete two/three/four floors nimete hi clearance dishe .
Hoilebi building by-laws shuru kura toh etu ke possible kuridishe proper precaution thakikena kiman utcha building bona bole mun thakile bi paribo.Etu te Municipal, environmental, pollution, fire aro safety norms bi sabole lageh.Tai Real Estate Regulatory Authority bithor te registered kurishe.
Commissioner Joy Singh of MAHUD para etu project shuru kuribole nimete kotha kurishe aro etu project nimete target kurishe etu te time line aro time dishe keeman din te khotom kuribole kile koile toh working season toh limited ase .
Aro director Harikumar Singh koishe ki RBD Imphal Residency toh first residential complex hobo Manipur te .Imphal toh congested ase aro tai khan space nimete dikdaar pai ase.
Tai khan laga upai etia toh vertical expansion jabole nimete ase kile koile toh horizontal expansion mati te naparibo.
Add Comment