Guwahati 13 April : The National Investigation Agency (NIA) pora Jowa sal Manipur te IED bomb phata laka case te peshi pahl pora jan ben kore ase koishe.
Friday din te NIA pora 2 da manu opor te case laki deshe. Etu 2da manu toh IED laka blast te milikina ase koishe. Etu IED bomb phata to jowa sal 21 June te hoishe. Aro etu toh ekta kari laka bettor te hoishe. Etu kari toh Kwakta Bishnupur district laka jaka te takeshe. Etu IED laka phata te 3 da manu jokom hoishe aro private aro government laka saman kahn peya hoishe.
Etu NIA pora dhora da manu khan toh Seiminlun Gangte ta ke Minlun phe koi aro Mohammed Noor Hussain , Tomba tai ke Mohammed Nur Hasan be koi. Etu IED phata toh ekta bridge te hoihse aro etu bridge pora Phougakchao Ikhai Awang Leikai aro Kwakta ke join kore. Etu IED phata toh 7pm te hoishe koishe. Cherrapunji the Eastern Craft Gin shuru koreshe
Add Comment