Imphal, June 12, 2025: Yete Officals khan para janai dishe ki. Manipur te Flood khan hoi kina 19,000 manu upor khan ke duk dishe koishe. Aru Authorities khan laga hisab te. Panni toh bishi diri homoi karne giri she. Aru yete sob milai kina 3,365 Ghor nishina bia kuri dishe koishe. Aru yete para 19,811 manu nishina khan duk paishe koishe.
Aru yete duk pa manu khan ke. Modot nahoilebi aram pabole nimete. 31 Relief Camp nishina dali dishe koishe. Aru bishi bhak toh Imphal East District te ase koishe.
Aru sobse bia para duk khan toh Heingang, Wangkhei aruKhurai ase koishe. Etu khan toh Imphal East te ase. Aru etu upor te sob milai kina 47 landslides nishina hoishe koishe.
Yete Imphal laga Local jaga khan te, State Capital aru Imphal East District phane bi ase koishe. Aru Khurai, Heingang aru Checkon te nodi khan bi panni borta hoishe koishe.
Add Comment