Manipur te petrol komti ho ase

Imphal, December 14, 2025: Manipur petroleum dealers khan para ek din laga strike ja toh manu khan petrol komti ho toh dekhebole pareshe. Tai khan manu para bomb kuredebole laga damke dei karne tai khan strike jaishe. Tai khan sob pump khan bon kureshe. Aro black market khan laga dam toh beshi uthe jaishe koishe. Manipur laga petrol pump malik khan Saturday, December 13, 2025 te tai khan laga pump khan kholai nai, bomb laga dhamke aro illegal donation mange karne betor manu khan para. December 6, 2025, Imphal East District, Koirengi Road te, Ibudhou Pakhangba Filling Sation laga pesab kurei laga jaga te ekta hand grenade paishe. Aro utu hand grenade logo te letter thakeshe. Utu letter te likene thakeshe ki tai khan ki mange ase nadele toh bei hobo koine thakeshe. Manipur petroleum dealers fraternity aro fuel retailer, IndianOil, HP, Assam Oil, Bharat Petroleum, Goal Bio Oil aro Nayara Energy khan para etu dhamki aro demands khan toh condemned kureshe. Aro tai khan para koishe ki petrol pumps khan toh public service enterprises ase aro tai khan laga opor te enia nahobole lagei koishe.