Imphal, October 15, 2025: October 13 din te. Security Forces khan para Mili kina operation kurishe koishe. Etu toh Imphal laga Districts pura te. Yete taikhan alak alak group laga 3da militants ke arrest kuriboole parishe koishe.
Bicky Sagolsem (29) toh Imphal West laga Singjamei Wangma Bheigabati Leikai te thakhea manu ase koishe. Tai toh UNLF (K) laga group member ase koishe. Taike Moreh laga Muslim Basti para durishe koishe. Etu toh Tengnoupal District te ase koishe.
Haobam Malemnganba Singh (25) toh Imphal West laga Lalambing Makhong Takhellambam Leikai para ase koishe. Aru tai toh KCP laga Group member ase. Taike Imphal West laga Lamphel Super Market para durishe koishe. Tai toh Public manu khan ke damki dikina Poisa mangi thakhishe koishe. Tai laga haat para mobile phone aru TVS Jupiter Scooter durishe koishe.
Wangkheirakpam Romeo Meitei (45) toh Imphal East laga Top Makha Leikai para ase koishe. Tai toh KCP lagagroup member ase. Taike tai laga ghor para durishe koishe. Imphal East te. Taibi Eta bana khan ke aru Local manu khan ke damki dikina poisa mangi thakhishe koishe. Aru operation kurea homoi te. Tai laga haat para Mobile phone paishe koishe.
Add Comment