Imphal, December 2, 2025: December 1 din te. Security Forces khan para kangpokpi District te operation kurishe koishe. Aru yete taikhan para Poppy ghas khan bia kuri dishe koishe. Etu toh Khoiripok aru Sehjang Bosti majote ase. Yete sob milai kina 18 acres laga Poppy bagan bia kurishe. Aru yete pasta kheti ghor khan bi bia kuri dishe. Aro yete kunba saman khan bi paishe. Fertilizer laga bag, Spray pumps aru alak chemicals aru Herbicides khan bi paishe koishe. Aro yete taikhan saman khan pura hatai dishe.
Etu eki din te Security aro Forest Department khan mili kina operation kurishe. Etu toh C. Lamjang laga Hill ranges aru Kangpokpi Police Station laga bitor khan te. Operation kurea homoi te. Taikhan para 36 acres laga poppy ghas bia kuri dishe koishe. Aro tate taikhan para 7 kheti ghor bia kurishe. 14 Fertilizers laga bag aro 9 Nimok bag bia paishe koishe. Etu khan toh Poppy ghas palibole chulai koishe taikhan.
Security Forces aro Forest Department khan para aro khobor janai dea nai koishe. Yete arrest kurishe nanai, Nahoilebi investigation khan kurea ase nanai. Taikhan laga tarika toh December 1 te kurishe. Yete mun dikina Kangpokpi District te Poppy ghas khan bia kuribole karne. Kile koile etu poppy ghas para Opium laga drugs bana karne. Taikhan etu rukhabole kurea ase koishe.
Add Comment