Imphal, July 2, 2025: June 30 aru July 1 majote. Manipur Police aru Security Fores khan para yete valley aru Hills District khan te bisarea laga operation kurishe koishe. Yete taikhan para Militants kunba ke arrest kurishe koishe. Aru yete hatiar banduk bi paishe koishe.
July 1 din te. Taikhan Namgaklung Kamei (42) ke arrest kurishe koishe. Tai toh Deputy Chief of Army of Zaliangrong United Front (ZUF-J) laga group para ase koishe. Taike Imphal West District laga Kekrupat para durishe koishe. Aru tai laga haat para 9mm Pistol aru 10 guli nishina paishe. Aru Mobile phone bi paishe koishe.
Etu eki din te. KYKL (SOREPA) laga Group member. Mutum Ibohanbi Singh (49) ke arrest kurishe. Taike Imphal East laga Andro Police Station laga bitor para durishe koishe. Aru tai laga haat para mobile phone bi paishe.
June 30 din tebi. Khoirom Ingoton Singh (48) toh KCP laga group member ase koishe. Taike Imphal East laga Irilbung PS para arrest kurishe. Tai toh local schools khan te damki dikina poisa mangi thakhishe koishe. Tai laga haat para Ekta Single Barrel bandul, 9mm pistol aru duita guli, bulletproof helmet aru jacket, radio wireless sets khan paishe koishe.
Add Comment