Ukhrul, April 24, 2026: Rights Body khan para koishe ki. April 24 din te. Manipur laga Ukhrul District bitor te. Kuki laga Bosti Mullam aru Shongphal te hamla kurishe koishe. Ada rati te. Yete bosti laga duita volunteers nishina ke murai dishe koishe. Aru yete alak manu khan bi jokhum hoishe koishe. Yete Jokhum hoa khan toh maiki aru bacha khan bi ase koishe. Etu khan toh bitor manu khan para kurea laga ase koishe.
Kuki Organisation for Human Rights Trust (KOHUR) khan laga hisab te. Etu hamla toh 5:30 AM homoi te kurishe koishe. Yete hamla kurea manu khan toh Bosti te ahishe koishe. Taikhan guma homoi te. Aru ghor khan julai dishe. Aru banduk parabi guli marishe koishe.
Yete hamla kurea homoi te. Duita ghor nishina julai dishe. Aru yete bosti manu khan bi jokhum hoishe koishe. KOHUR khan para koishe ki. Duita Kuki bosti laga Volunteers khan ke bia para murai dishe koishe. Taikhan bosti ke bachabole kurea homoi te. Yete aru koishe ki. Bosti te banduk laga licensed thakhea khan para bitor manu khan ke khitai dishe koishe.
Add Comment