Imphal, February 10, 2026: Manipur government para order de she February 10 te, Internet aro data service khan bon kure de bole pas din akrne, Ukhrul district te. Tai khan koi she ki, social media khan te para jamala toh aro dangor kure de bo.
Home Department para official order issue kurea laga hesab te, etu tareka kile kurea ase koile toh, etia Ukhrul laga mamla sai kena kure she. Tai khan koi she ki, manu kumba toh social media te photo, post aro video khan pathai kena public khan ke gusa kure de kena, mamla toh aro bea kure debole beshe chance ase, enia hoi she koile toh manu kumba toh mure bole parea. Public aro private building ghor khan be bea kure de bole parea.
Khale internet service bon kurea nahoi, tai khan VPN, broadband, aro VSAT service khan be bon kurea dea ase Ukhrul laga district te. Tai khan Rule 3 of the Temporary Suspension of Telecommunication Service Rules, 2024 laga power chola ase, Manipur laga Governor para oder kure she suspension laga toh, aro etu toh 11,30 am February 10 te shuru hoi jabo. Etu toh pas din karne thake bo.
Internet service dea khan ke direct kure she, strict para order laga hesab jabole. Government para koi she ki, kumba manu etu order toh mane nai koile toh, legal action lobo koi she.
Add Comment