Imphal, November 12 : Bisi bar shamti laga kotha kora tu bhangija picheyte, United Naga Council (UNC), utu jaga laga apex Naga body para larayi kuri thaka jati- Meitei aro Kuki khan ke kiman joldi parey eman joldi ekey logotey ahikina 7 moina para chuli thaka dushmani tu khotom kuridibole laga ekta “joint declaration” dibole koisey.
UNC Peace Committee para etu duita larayi jhagra kuri thaka group khan ke request kurisey ki Meitei community nohoilebi Kuki-Zo community laga kunba manu para kinaka hoilebi ek tarfa ceasefire deckare kurikina bhal niyom nohoilebi morom thaka tu dikhabo lagey.
UNC Peace Connittee member khan tu optimistic(positive bhabna kora) asey ki judi etu duita larayi jhagra kuri thaka group para nijor nijor larayi khotom kora laga agreement declare kurisey koiley, dusra group para bi etu ekey follow kuribo parey kuntu toh bahaduri laga kaam asey.
UNC para etu duita larayi jhagra kuri thaka jati khan logotey chup chap para alag alag meeting kurisey. Hoilebi etu meeting te ki discuss kurisey etu tu janai diyanai.
September moina te, Naga Peace committee para centre aro rajya te thaka sarkar khan ke bhoi nakhaikina aro kanoon laga nyom ke cholabole favour kuribole request kurisey.
Kuki tribe laga member khan kun pahari area te bohey, sarkari naukri te quota aro pora likha te economic(poisa laga) faida pai aro Meitei kun sobsey bisi kamyab huwa plain area khan ke control korey etu duijun community laga majotey gusa thaka tu May 3, 2023 te taikhan laga bich te larayi ola picheyte taikhan duita bhag te divide hoijaisey.
Etu larayi jhagra tu Februaru moina te ekta court para Manipur laga 16% population thaka Kuki manu khan para special subidha pa tu Manipur te majority thaka jati Meitei khan ke bi dibole suggest kora picheyte aro bisi barijaisey.
Etu larayi jhagra te, komsikom 180 manu murisey aro 61,000 manu tu taikhna laga ghor para dur hoijaisey. Etu duita jati laga group majotey bisi baar shanty laga baat-chit kora tu nakamyab hoisey.
Add Comment