December 27, 2024: Alak alak Bollywood celebrities kan taikan laka heartfelt condolences kan share kuri shae, former Prime Minister Manmohan Singh karne. Former Prime minister tho 92 sal deh muri jai shae, Thursday rati deh. AIIMS para tai tho Thursday rati deh taila last sas tho lui shae kui shae, age-related ailments para muri nah.
X deh kotha kuri nah, actor-comedian Kapil Sharma para ekta throwback photo share kuri shae. Etu photo deh tai, Manmohan Singh lokot deh meeting lui taki shae. “India kan taikan laka ekta sobse bhal leader hari shae aji. Dr. Manmohan Singh, India’s economic reforms laka architect aro integrity aro humility laka ekta symbol, para progress aro hope laak ekta legacy chari di shae. Taila wisdom, dedication aro vision para mukan laka nation keh transform kuri di shae. Rest in peace, Dr. Singh. Apni laka contributions keh kitia b napa huribo,” tai para caption deh liki shae.
Madhuri Dixit para b taila Instagram stories deh Manmohan Singh laka ekta photo share kuri shae. “Dr Manmohan Singh laka journey aro service tho husa wisdom aro grace keh reflect kureh. Ekta ekdum bhal leader aro ekta alak bhal manu. Taila kandan aro morom kura manu keh muila condolences di ase. Om Shanti.”
Add Comment