Manmohan Singh COVID(+v) thurishe

April 20, 2021. Former Prime Minister Manmohan Singh logot COVID-19 positive tested thurishe aro tai itya AIIMS-Delhi te admitted hoikena ase koishe. Manmohan Singh toh Monday 5pm samai AIIMS (All India Institute of Medical Science) te admitted hoishe. Manmohan Singh laga halat toh specialists teams khan para elaj kori ase koishe. Khobor hesab te Manmohan Singh toh vaccine tuita(2) dose be loikena ase. Sunday din Manmohan Singh para Prime Minister Narendra Modi logot lekishe ke, India te Covid-19 second wave jai thaka nemite larai koriboli 5 suggestions thishe. 1^st suggestion te Manmohan Singh para koishe, Covid-19 vaccine toh advance para order korikena tayaar thakiboli. “jodi ami khan para itya samai manuh besi logot vaccine thiboli bapana thakile, ami khan para vaccine toh advance te tayaar hoboli laki”, koikena Manmohan Singh laga 1^st suggestion ase. Tai para Centre logo taro koishe ke, emergency samai nemite 10 per cent toh state logot thiboli laki, hoilebi etu jarikena state para vaccine toh ase naa nai clear signal janai thiboli laki koishe. Manmohan Singh para centre logo taro koishe, vaccine bonai thaka logot funds aro dosura rasta para motob thiboli janaishe, keli koile tai khan para jodi te vaccine toh bonabo nemite.