Las Vegas, 9 May : Filipino laga ekjon dangor boxing star Manny Pacquiao, jun 46 saal laga ase, chari saal laga retirement khotom kori ulabo ase aru Mario Barrios logot fight koribo, juntu WBC welterweight title jonno hobo, ESPN Thursday din report korise.
Kisu unnamed sources US-based sports network ke janai dise ki fight tu Las Vegas te July 19 tarik te hobo.
Pacquiao, jun 8 ta alag-alag weight category te 12 ta world title jiti luisey, last time fight kori thakise August 21, 2021 te Las Vegas te, juntu te tai Cuban boxer Yordenis Ugas logot WBA welterweight crown jonno fight kori 12-round unanimous decision te harise.
ESPN report korise ki WBC president Mauricio Sulaiman last week Saudi Arabia te ekta fight te koi dise ki Pacquiao July mahina te Barrios logot title jonno fight dibo aru Asian star already Nevada State Athletic Commission pora fight dibole clear paise.
WBC laga rule hisab te, ekjon former champion apuni laga retirement pora ulai jabole time te world title fight jonno request dibo pare.
Pacquiao next month te International Boxing Hall of Fame te inducted hobo aru Philippines te aagan ahibo thaka Senate election te participate koribo.
Barrios laga record ase 29 win, 2 har aru ekta draw, juntu te 18 ta knockout ase. Tai last fight November te fellow American boxer Abel Ramos logot draw kori title retain kori thakise, juntu Mike Tyson-Jake Paul undercard te fight thakise.
Pacquiao laga career record ase 62 win, 8 har aru 2 draw, juntu te 39 ta knockout ase.
Add Comment