NEW DELHI, OCTOBER 14 : Goa state laga Chief Minister Manohar Parrikar bemar huikena All India Institutes of Medical Sciences (AIIMS) Hospital, Delhi te jai kena thaka Sunday din te ulaijaise koi kena, Official pora khobor te janaise.
AIIMS Official pora koa hisabte etu CM Manohar Parrikar toh Sunday pujut phale ekdam biya pora kao thik nahui kena thakise. Etu pora tai logot Intensive Care Unit (ICU) te luijai kena thakise. Huilebi etu bejete tai ICU pora ulaidese aro etu bejete Hospital porabi ulaijaa huise koi kena khobor te janaise.
Etu ulaijaa karne Union Minister of State for AYUSH Shripad Naik pora etu CM Manohar Parrikar ke tai kan state Goa, pani phale thaka te wabas aha pora toh AIIMS hospital te bohi jabole thaka koi kena janaise. Tai bi CM Parrikar ke lok kuribole jaise. Etu time te kao olop thik hua nesena dekhese. Huilebi tai ene Hospital te olop din nemite thakile bhal hobole thaka koi kena janaise koise.
Add Comment