NEW DELHI: Sunday saam te Manohar Parrikar tho tai nijor laga ghor para murishe. Chief Minister Manohar Parrikar toh bishi samay para tai laga pancreatic cancer logote larai kuri thakishe. Service kuri thaka samay te murija chief minister Manohar Parrikar toh India laga 18th chief minister ase aro Goa laga dusra ase. Mr Parrikar laga umar toh 63 years thakishe.
Mr Parrikar toh Goa Chief Minister huwa sob para poila Bharatiya Janata Party leader thakishe. Mr Parrikar para state ke 2000-05 aro 2012-14 para cholai ahi ase. 2014 te Narendra Modi government nichete Defence Minister hesab te samil (join) hoishe. Aro dubara state politics te 2017 te wapas ahishe.
Mr Parrikar agayte dusra 17 Chief Ministers bimar para murishe. Etu te Tamil Nadu laga J Jayalalitha, Jammu aro Kashmir laga Sheikh Abdullah aro Mufti Mohammad Sayeed, aro Andhra Pradesh laga YS Rajasekhara Reddy bhi ase.
Add Comment