New Delhi, May 13 : Manoj Bajpayee tu hodai tailaga struggle aro bahar laga manu khan industry te discrimination jhela ke loikina open thakisey. Tai tu kinaka tailaga murija sathi Sushant Singh Rajput ke film industry te dukh jhelibole lagisey etu ke loikina awas uthai thakey. Ekta recent interview te, Manoj para share kurisey ki kinaka Sushant ke tailaga bari te media te negative kotha ola para impact hoisey.
Etu ‘Bhaiyya Ji’ actor para Sushant logotey baat-chit kora tu yaad kurikina koisey ki kinaka Sushant para power te thaka manu khan ke handle kuribole dukh pai thakisey. Manoj para koisey, “Sushant tu blind articles(ekta news kuntu te shamil thaka manu khan laga pehchan janai nidiye), para mondukh hoijai. Tai tu eman bhal manu thakisey aro bhal manu khan hey enaka bustu khan para affect hoijai. Tai tu ami logotey ahithakey aro etu bustu khan logotey kinaka deal kuribo lagey etu hudi thakey. Ami para taikey etu bustu khan seriously nolobole koi kilemaney ami poila te bi enaka situation laga samna kurisey. Aro ami etya tak bi amilaga khilaf te enaka khobor ola laga asar jheli asey.”
Tai para agey barikina koisey ki tai para Sushant ke utu manu khan ke handle kuribole koisey kun khan laga film chuli asey, kun khan power te asey. Tai para koisey, “Ami tu enaka manu khan kea lag tarika para handle kuribo. Ami para amilaga sathi khan ke enaka manu tak etu kotha pungchabole dibo ki ami ahikina taikhan ke maribo. Jaruri kotha tu etu asey ki etu message khan pungchijaisey. Sushant para hasikina koi, ‘Sir apni hey enaka kuribole paribo, ami naparibo’. Hoilebi tai tu enaka khobor khan para dukh paikina thakisey. Tai tu bisi najuk aro intelligent manu thakisey.”
Add Comment