Manoj Bajpayee para Rich and Handsome Actor laga category te fit nuhuwa laga opor te kotha koisey

New Delhi, May 21 : Actor Manoj Bajpayee tu Indian cinema laga alag alag genre tea lag alag role aro ekdam kara performance diya nimitey jana jai. Tai tu mushkil aro bisibhak ekdam alag character ke ekdam gehrayi aro ekdam asol nisna dikhabole nimitey pura mehnat korey. Manoj laga nutun movie ‘Bhaiyya Ji’ bi asey. Olop din ageyte tai tu ameer aro handsome actor laga list te fit nuhuwa laga opor te tailaga bhabna share kurisiley. Pinkvilla logotey kora ekta interview te, Manoj para film industry te tai mushkil jhela aro audition diya aro acting kora te tailaga ekdam alag soch thaka laga kotha kurisey. Manoj para koisey, ameer aro handsome laga category te hoisey koiley, tai kityabi  eku kaam napabo. Hoilebi tai para koisey ki audition ke acting kuribole laga moka pa nisna treat kuribo lagey. Aro koisey ki manu khan para ki ki alag kotha koi etu te dhyan nidibo lagey . Kilemaney judi followers matter kurisey koiley etu tu main lead casting nimitey hey matter kuribo. Tai para etu kotha te gour kurikina koisey ki tai kaam kora laga tarika tu alag asey aro etu misa misi criteria(ameer aro handsome hobole lagiya laga) para tailaga career ke define nokorey. Tai para koisey ki etu criteria tu tailaga kaam kora area te lagu nohoi. Taikhan alag tarika para kaam korey. Aro judi kunba para enaka kotha kurisey koiley taikhan para next time utu manu ke enaka kotha kuribole nidiye. Manoj Bajpayee para actor hobole iccha thaka manu khan ke taikhan laga talent dikhabole nimitey pa sob moka ke lobole advise disey. Etu nimitey audition laga homoitey ekta office setting te perform kuribole lagisey koilebi. Tai para koisey ki audition picheyte, expectation rakha tu sobsey pagla kaam asey.