Agencies, 08 August: Jammu and Kashmir ke IIT graduate, ekta former union minister aro tin par MP paise kelay koile Friday te Manoj Sinha toh notun Lieutenant Governor nemide charge lowa karni. Manoj Sinha para oath nalowa agae din former Lieutenant Governor GC Murmu toh Governor para resignation lowa thakise.
Sinha para positive note te suru korise. Tai para oath-taking ceremony te political leaders – National Conference, People’s Democratic Party aro Congress nesana para mata thakise. Etu opor te tai para be personal invitation toh Ghulam Nabi Azad aro Karan Singh nesana ke korise. Hoilebe besi leaders para ektum samaan korikena invitation te ahibole napara janaishe kelay koile Covid-19 pandemic nemide.
Sinha ke politics aro administration te lamba experience ase. Tai ke technical mindset ase aro tai toh phal para aro thek samai kaam kora para janae.
GC Murmu para Comptroller and Auditor general of India nemide wada korise
Saturday te Girish Chandra Murmu para Comptroller and Auditor General (CAG) of India nemide wada korise. President Ram Nath Kovind para Prime Minister Narendra Modi aro tusara khan agae te wada kora te shaijaise.
Wednesday te Murmu toh Jammu and Kashmir’s Lieutenant Governor laga position para resign howa thakise. CAG hisaab te, etiya murmur toh state aro central government laga sob expenditures te auditing nemide zamidari lobo aro tai post te toh six sal tak nahoile tai 65 sal nahowa tak karni thakibo. October 31, 2019 te, Murmu para first L-G of Jammu and Kashmir nemide charge lowa thakise. Etu agae te tai toh Ministry of Finance te expenditure secretary nemide kaam kora thakise. Tai be Gujarat te, home department te post thakise aro chief minister’s office te principal secretary to Anandiben Patel nemide moved kora thakise. Etu toh 2014 sal Modi para pime minister nemide charge lowa bechide ase.
Add Comment