Manolo Marquez: Sunil Chetri best Indian striker asey etya

Kolkata, March 09: Rati te ekta gorom encounter picheyte FC Goa laga coach Manolo Marquez kun national team laga bari te bisi nokoi, tai first time Indian national football team laga kotha koisey aro Maldives laga against te friendly match nimitey aro etu moina last faley Bangladesh laga against te 2027 Asian Cup qualifier nimitey India squad te Sunil Chhetri ke kiley shamil kurisey etu explain kurisey. Etya, Chhetri, kun 40 years laga asey, tai tu best Indian striker asey aro taikey etu karney India team te shamil kurisey kilemaney etu para India ke taikhan Asian elite majotey thakibole nimitey competition jitibole  karney lagiya bhal chance tu di asey. Aro etu nimitey etu 56 years laga Spainish coach(Manolo Marquez) kun 2021-22 te Hyderabad FC logotey ISL cup jitiisley tai para koisey ki tai para juwa saal June te international football para retire hoija football player Sunil Chhetri ke kotha kurisey. Tai para Saturday rati te FC Goa tu Mohun Bagan Super Giant logotey Kolkata laga Salt Lake stadium te 0-2 point para harija picheyte enaka koisey, “Asol te jitya ami ISL te thakey, ami national team laga bari te question huda te jawab nidiye. Hoilebi regular session khotom hoija nimitey, ami jawab dibo.” Marquez para Asian Cup qualifiers ke refer kurikina enaka  koisey, “Ami jani asey ki India te amilaga result bhal huwa tu bisi jawan players khan nimitey asey. Ami nimitey nohoi, amikhan nimitey, Hyderabad FC laga staff(India te tailaga first assignment) aro etu picheyte FC Goa. Hoilebi etu competition te, apni ke jeet lagey.” Marquez para agey barikina enaka koisey, “Amikhan goal score kuribo lagi asey. National team logotey khela amilaga 4ta game te, amikhan para duita goal score kurisey: ekta tu set-piece para aro ekta tu open play para. Aro apni dikhi asey ISL te top Indian scorer kun asey: Sunil Chhetri. Second te kun asey? Bryson Fernandes. Third te kun asey? Subhasish Bose.  Ami janey tai(Sunil Chhetri) para tailaga retirement announce kurisey. Hoilebi ami para taikey personally kotha kurisey. Ami janey etu toh tai nimitey aro ami karney ekta mushkil situation asey.” Sunil Chhetri para Tuesday te etya taak Indian Super League (ISL) season 11 te 12 goal aro duita assist disey.Tailaga team, Bengaluru FC tu aro ekta league match khilibole baki asey, kuntu toh Tueday te Mumbai City FC laga against te hobole asey. Tai tu top scorer laga list te second te asey. First te NorthEast United laga Alaaeddine Ajaraie asey kun para 23 goal marisey aro 7ta assist disey aro top 10 te thaka tai ekla ekta Indian manu asey.