Agencies, 09 November: Friday din 11th Asian Airgun Championships laga 10m air pistol mixed team deh Manu Bhaker aro Saurabh Chaudhary pora junior world record bonaise. Tai jun meli-kena team gold medal jetibole parise. Tournament laga last kothom howah din deh Indian toh Chinese pair Wang Xiaoyu aro Hong Shuqi pora be phal howah thakise. India’s junior shooting time toh championship deh 11 medal loi kena kothom hoise. Final din Youth Olympic Games champions Manu aro Saurabh toh 485.4 score pora kothm howah thakise aro Chinese toh tai jun laga neji 477.9 deh kothom howah thakise. Second Chinese team pora bronze jetise aro final din India’s second pair Abhidnya Patil aro Anmol Jain toh fourth deh kothom hoise. Qualifing time deh Manu aro Saurabh toh five team majode second thakise. Tai jun 800 laga deh meli kena 762 score bonaise. Abhidnya aro Anmol toh 760 score pora third thakise. Etu toh Saurabh nemide third gold medal ase. Tai Thursday din team aro individual 10m air pistol events deh jeta thakise. Aro Manu toh team silver jetise.
Add Comment