Cairo, 6 November : Shooting te, Paris Olympics medal jeet kora Manu Bhaker aru Swapnil Kusale India laga 40-member team ke lead koribo ISSF World Championship Rifle aru Pistol 2025 te, juntu Cairo, Egypt te hobo. Itu event laga opening ceremony kali bela te hobo, aru medal events Saturday pora shuru hobo.
India laga shooters etu saal te dangor form te ase, Buenos Aires, Lima, Munich aru Ningbo te World Cup events te besi medal jeeti loise. Duibar Olympic medallist Manu Bhaker pistol team ke lead koribo, tai logot ase Esha Singh aru Suruchi Singh. Rifle events te, 2022 laga world champion Rudrankksh Patil 10-metre air rifle event te wapas compete koribo, aru Swapnil Kusale 50-metre rifle three positions te compete koribo. Team majot aru experienced shooters bhi ase — Elavenil Valarivan, Sift Kaur Samra, Arjun Babuta, Anish Bhanwala aru Aishwary Pratap Singh Tomar.
Itu championship te mot 720 shooters 72 ta desh pora participate koribo Egypt International Olympic City te, aru etu 17 tarik tak cholibo.
Add Comment