Canada, 27 April 2025: Bishi manu muri shey gari pra manu jama thaka opor te mari kina Canadian city Vancouver te, local police pra koishey. Vancouver police pra koishey manu bishi b jokom hoishey hatsa hwa time te street festival te Saturday din saam te. Force pra koishey driver toh custody te ase. Echa b najaneh kiman manu muri shey. X post te, police pra koishey, ekta driver manu jama hwa thaka opor te gari chulai shey street festival te E.41st Avenue aro Fraser te 20:00 local time hoi kina Saturday din te. Statement pra koishey, Moikhan aro khobor janai dibo investigation toh ja time te. Local media pra report kuri shey ki pedestrians laka groups ke gari pra mari dishey annual Lapu Lapu festival te, kun toh Filipino culture celebrate kureh. Unverified footage social media te dikhi paishey police gari, ambulance aro fire engines khan hatsa hwa jaka te, tadeh jokom hwa manu khan mati te humai thaki shey. Vancouver Mayor Ken Sim pra statement X te koishey, ki tai shocked ase aro bishi mon bikhai kina ase etu biya hatsa pra aji laka Lapu Lapu event te. Tai aro koishey, Moikhan laka thoughts toh thakibo affected khan lokot aro Vancouver laka Filipino community etu mon duk tai time te.
Manu bishi muri shey gari pra manu ke mari kina Canada te, Police pra koishey
Add Comment