Agartala, December 2, 2024: Special POCSO Court of Kailashahar para Pintoo Das (38), Alias Arun toh Laljuri Bosti laga ase, Fatikroy Assembly Constituency laga bitor te thakea laga. Taike 20 saal karne karne jail te dali dishe koishe, yete bacha maiki ekta ke rape kurea nimeyte. Etu tarika toh Saturday din te Jude Amarendra kumar Singh para janai dishe dishe.
Khobor hisab te, Etu saal March 10 din te, 11 saal bacha maiki laga ama toh Jagannathpur bosti laga ase koishe, tai toh bacha maiki aru bacha chora toh dimak olop thik nahoi kina, ghor te chari kina kam kuri bole jaishe koishe. Etuhomoi te Pintoo Das toh ghor te gushi kina bacha muta ke alak room te rakhi dishe, aru bacha maiki ke chukka te para rape kuri dishe koishe. Aru poilai jaishekoishe.
Ama toh wapas ahea pichete bacha maiki para sob koi dishe koishe, yete tai Kailashahar Women laga police station te jai kina complaint kuri dishe koishe. Yete Sub-Inspector Prabha Singh para taika khan loi kina June 1 te Pintoo Das ke durishe koishe,Section 376(AB)/508 aru Section 6 POCSO Act laga bitor te duri loishe koishe.
Add Comment