Kohima, November 20: Directorate of Health and Family Welfare, Government of Nagaland para Thursday, November 19, 2020 te advisory deshe. Etu toh manu ke disinfectants spray nakoribole nemide.
Principal Director of Health &Family Welfare, Dr. Vizolie Z. Suokhrie para November 19, 2020 te koise, Honorable Supreme Court’s order dated September 7, 2020, Union Ministry of Science and Technology aro tusara te follow korikena, COVID-19 management nemide disinfectant toh manu ke spray nakoribole aro-janaishe kelay koile etu para manu ke dekthari/dukh deya thakibo koise.
Ministry of Health and Family Welfare para April 18th 2020 te COVID-19 management nemide manu ke spray nakoribole aro etu toh sob concern para manibo nemdie advisory deya thakise.
Advisory, “Individuals nahoile groups ke disinfectants spray kora toh ke laga situation pithor te hoilebe recommend nai. Individual nahoile group ke chemical disinfectants para spray kora toh gao aro demak nemide beya ase”.
Aro kloise, “Judi ekta manu ke COVID-19 virus thakise koilebe gao opor te spray kora para virus ke namorabo kelay koile virus toh pithor te thaka nemide. Aro kapura aro gao te disinfect kora para phal ase koikena suggest kora te scientific saboot toh nai”.
Individuals te chlorine spray kora para sukhu aro skin te irritation hobo aro gastrointestinal effects- nausea aro vomiting hobo. Sodium hypochlorite khaa para nose, mucous membranes laga irritation, nose throat, respiratory tract te hobo aro bronchospasm howa be thakibo pari.
Aro koise, enaka measures jola para be disinfection & safety te galdi bhabona howa thakibo pari aro etu karni para be public para mana hand washing aro social distancing measures te dekthari deya thakibo.
Add Comment