Kumbh, 30 January 2025: Jharkhand family laka 27 saal search toh taikhan laka hari ja member karne khotom hoishey Kumbh Mela te, Prayagraj, Gangasagar Yadav kun hari jaishey 1998 te Dhanbad pra, taike paishey ekta Aghori monk hoi kina. Ghor manu laka hopes toh rekindled hoishey kicha relatives khan Kumbh Mela attend kura time te manu ke dikhi shey kun Gangasagar nishina thaki shey aro photo share kuri shey ghor manu khan ke. Lamba data, forehead te jokom aro knee scar khan lokot mila pichideh, Gangasgar laka maiki, Dhanwa Devi, taila bacha Kamlesh aro Vimlesh aro taila brother, Murli Yadav Mela te joldi jaishey.
Hoileh b Gangsagar, kun echa 65 saal ‘Aghori’ ase aro Baba Rajkumar koina janeh, tai acknowledge nakureh taila past life aro ghor manu khan ke. Varanasi pra ase koina, tai Gangasagar lokot connection deny kureh. Tai eman mana kuri kina b, family khan taila asol identity pra convinced ase. Taikhan Kumbh Mela police khan ke janai dishey aro DNA test demand kuri ase taikhan laka relationship toh prove kuribo leh.
Murli Yadav pra koishey, taikhan rukhibo Kumbh Mela khotom nahwa tak. Eni test toh match nahoileh, taikhan Baba Rajkumar ke maaf mangibo. Taila maiki Dhanwa Devi toh government lokot plead kuri ase madat nimite taila mota aro ghor manu lokot reunite hubo leh. 27 saal agae te, moikha la bosti te moikhan taila chutu brother-in-law wedding manai thaki shey. Festivities time te, tai koishey saree kinibo jai ase occasion karne. Wapas ahinai. Recently, relative pra video phatai shey Kumbh Mela pra, tadeh taike dikhi shey. Taikhan direct jaishey aro khota b kurishey, hoileh b tai acknowledge kuribo namaneh, nijor maiki ke b, enika koishey. Tai toh moila mota ase.
Add Comment