February 5, 2026: Manu kun President Donal Trump ke mora bole khushesh kure she 2024 te, tai ke wednesday te sentence de she tai laga life toh jail te thake bole laga saza, federal prosecutor para tai laga hamla toh kute hoile be acha kobole napa re bo koi she.
U.S. District Judge Aileen Cannon para Ryan Routh laga saza toh de she, Fort Pierce courtroom te. Utu same court room ase kute ja September te Ryan toh chaku para ekla opor te hamla khusheh kure she, jurors khan para sob count te tai ke guilty pa piche.
Social media X te, U.S. attorney general Pam Bondi para prosecutors khan ke thanks de she, Routh ke jail para ola bole nade bo karne. Tai aro koi she ki, Ryan para President Trump laga opor te hamla kurea toh, khali tai khan laga President opor te hamla nahoi, tai khan laga democratic system laga opor te be hamla thake she koi she. Prosecutors khan para koi she Routh toh beshe hafta karne pan kure thake she Mr. Trump ke mora bole karne, Mr. Trump September 15, 2024 te golf khelea homoi, Routh toh tai ke mora bole khushesh kure she bunduk para, West Palm Beach country club te.
Trial te Secret Agent kun Mr. Trump ke bachai she gold course te, tai para koi she ki, tai Routh ke de khe she, Routh hamla nakurea ahge te, Routh toh agent laga opor te aim kurea homoi, agent toh juldi gule mare she Routh laga phane, etu karne Routh toh bunduk chare kena polai jai she, bunduk toh namarea ahge te.
Add Comment