Manu mura kan nationalist ase kobole nabaribo

NEW DELHI, SEPTEMBER 9 : Vice President M Venkaiah Naidu pora kun-kun manu ke andashte hamla kurikena ki-ki saman pora mari muraidiya kan toh ami kan neju Desh laga manu ase kobole nabaribo koi kena janaide thakise. Etu karne tai etu chamala nesena ami kan desh aro jaka te kali-borsong nahobole karne husir thakibole lagi aro adat bhal julabole kuribo lagi koi kena janaise.Tai bi etu nesena chamala toh neju laga haat te aro hisabte kanoon lui kena aro mani kena kuribole nakuribo lagi. Aro etu nesena chamala kan bi Political Parties laga hisabte nathakibo lagi koi kena janaide thakise.Tai bi etu nemite ami kan desh te manu-manu majutte bhal neum aro adat julabole kuribo lagi. Aro etu nesena chamala toh etu party pora kura laga ase koi kena nakobi. Kele etu huile aro tusera party porabi khilaf kurikena aro nahua chamala ulaidiya hobo. Huilebi tai etu nesena ekjun party pora tusera party khilaf kurikena chamala ula toh besi huijua dekhe bai ase koi kena janaide thakise.