PATNA:Bihar laga Araria district te 55 umar laga bura manu ke mob para murai dishe. Etu bura manu ke janwar(cattle) chor kora laga suspect te muraishe. Friday te Bihar police kuwa hesab te etu bura manu opor te 16 pending cases ase. Tai against te kunba cases toh Nepal te bhi ase. Etiya tok etu bura manu khan ke murai diya manu khan ke arrest kura nai. Etu ghatna toh ek hafta agote hoishe.
Patna te Kundan Krishnan, Additional Director General (Headquarters) koishe Kabul Miyan against te first case toh 1981 te file kurishe. Recently bhi tai laga ghor para ekta Nepalese rifle paishe.
Hoile bhi police khan kile etu Nepalese rifle pa pichete bhi arrest kura nai. Etu laga opor te bhal convincing jawab dibo para nai. Nohoile bhi etu bura manu against te 16 pending cases ase toh kile tai ke police khan para arrest kura nai. Etu kotha laga bhi police para bhal jawb diya nai.
Mr Krishnan koishe ami khan etu kotha khan opor te investigate kuri as eke kile Kabul toh tai laga poila laga cases khan nimite arrest no hoi kena thakishe.
Mob para 55 saal Kabul Miyan ke murai diya pichete opposition party para Nitish Kumar ke attack kurishe. Nitish Kumar ke opposition party para law aro order thik para no-chula nimite biya kotha koishe. RJD leader aro Bihar Chief Minister laga kunba vocal critic Mr. Nitish ke Bihar toh “Lynch-Vihar” bana nimite inzam dishe.
Mr. Yadev koishe ke Nitish government khan criminals khan logote haath melai kena kaam kuri ase.
Dusra tweet te Mr. Yadev koishe Nitish Kumar tai laga party JDU toh murderers, rapists aro criminals khan laga ghor banai kena ase.
Etu ghatna toh December 29 te Simarbani bosti te hoishe. Simarbani bosti toh Patna para 300 km dur te ase. Kunba hamla kura manu khan laga chahara toh videos te visible ase, police khan etiya bhi etu manu khan ke arrest kora nai.
Add Comment