“Manu tho superman hobo mun jai, etu piche deh God,” RSS chief

July 19, 2024: Rashtriya Swayamsevak Sangh (RSS) chief Mohan Bhagwat para Thursday din deh self-development laka course deh, ekta manu tho superman hobo mun jai, etu piche deh ekta “God”, hoile b internal aro external development tuita deh b kotom kwa tho nai kui shae. “Progress deh kotom b ase nah nia? Ami kan, mukan laka goal puncha time deh, itia b jab oleh baki ase kui nah dikeh. Manu ekjun tho superman hobo mun jai, etu piche deh ekta Dev aro etu piche deh Vhagwan. Internal aro external development tuita deh b kotom kwa tho nai. Etu tho ekta continuous process ase aro etu karne mukan hotai “Asamadhan’ (without solution) deh taki bo lageh. Bishi tho kuri shae, hoile b bishi baji nah ase,” Bhagwat para kui shae, ekta village level workers kan keh address kura time deh. Bhagwat laka comments keh react kuri nah, Congress para Prime Minister Narendra Modi laka against ekta “non-biological PM” swipe lui shae. Modi para agae deh, Isor taike patai shae kui shae. “Mui sure ase, self-proclaimed non-biological Prime Minister tho latest Agni missile laka kobor huni shae kui nah. Kuto Nagpur para fire hui shae aro Jharkhand deh taka Lok Kalyan Marg keh target kuri shae,” Congress general secretary Jairam Ramesh para X deh liki shae.