New Delhi, 25 February : India laga top-ranked men’s doubles jora Manush Shah aru Manav Thakkar Tuesday din Singapore Smash te quarterfinals te asani pora paise.
Sixth-seeded Shah–Thakkar jora, juntu first round te bye paise, Brazil laga Guilherme Teodoro aru Leonardo Iizuka ke 3-0 (11-7, 11-5, 11-9) score te 24 minute bhitor harai dise. Last-eight match te, Indian jora Belgium laga Martin Allegro aru Adrien Rassenfosse logote mukabila koribo.
Women’s doubles te, Diya Chitale aru Yashaswini Ghorpade round of 16 te eliminate hoise. Taikhan fourth-seeded Japanese–Korean jora Miyu Nagasaki aru Shin Yubin pora 0-3 (9-11, 4-11, 5-11) te harise.
Kintu Diya laga campaign etiyao sesh nohoi. Tai aru Shah Wednesday din mixed doubles quarterfinals te khelibo, kutey sixth-seeded Indian jora third-seeded Brazilian jora Hugo Calderano aru Bruna Takahashi logote mukabila koribo.
Add Comment