New Delhi, April 22 : Kityabar, actor khan tu ekta film nimitey taikhan laga gao ke kara para bodli korey. Taikhan laga role nimitey zindigibhor laga kha-luwa adat tak bi bodli korey. Bollywood actress Manushi Chillar, kun chutu time para ekta vegetarian(mangso nakha manu) thaksiey, tai olop di ageyte hey tailaga latest film ‘Bade Miyan Chote Miyan’ nimitey ekta non-vegetarian te bodli hoijaisey. Ekta nutun interview te, tai para etu kha-luwa te bodli aniya laga karon janaisey aro etu para kinaka dusra desh te film shooting kora homoitey tailaga modod kurisey etu bi janaisey.
Manushi para kosiey ki tai tu zindigibhor ekta vegetarian thakisey aro tai nijor ke koithakey ki tai zindigi te poila kitya bi mangso nakha nimitey tai kitya bi mangso khabo naparibo. Hoilebi etu picheyte ahisey ‘Bade Miyan Chote Miyan’. Tai utu homoitey dusra film laga shooting kuri thaksiey aro tai Covid paisey. Tai eman bhoi khaisey kilemaney tai patla hobole mon thakanai kilemaney taikey muscle build kuribole jarurat thaksiey. Tailaga baba, kun ekta doctor asey, taipara taikey mangso khabole suggest kurisey.”
Manushi laga baba para etu te ekta jaruri role nibhaisey. Aro tai para Mnaushi ke saikina joborjosti khana khotom kuribole di thakisey koisey.
Etu para taikey kinaka modod kurisey koiley Bade Miyan Chote Miyan film tu Jordan, Scotland, London nisna jag ate shoot kurisey aro Scotland tee man vegetarian(mangso nathaka khana) laga option thakanai, toh manso hey tai nimitey protein pabole laga sobsey asan source thaksiey.”
Etu film te Mnaushi tu Akshay Kumar laga jori thakisey. Etu film te Tiger Shroff aro Alaya F bi main role te thaksiey. Etu film tu box office te bhal perform kuribole paranai.
Add Comment