NEW DELHI, OCTOBER 17 : BJP Party laga ekta dangor aro kathara leader aro Lawmaker, Rajasthan state laga, Jaswant Singh laga moda bacha Manvendra Singh toh Congress Party nemite Wednesday din te huijaise. Aro etu Congress Party huijaa logot-logot tai etu kotha mana toh ekdam babuna kurikena huijai ase koi kena janaise koise.
Etu Manvendra Singh laga bapa Jaswant Singh toh 2014 sal porahi Coma huikena thaka laga ase. Aro tai 80 sal dangor ase. Aro tai aro khor manu kan ke tai laga moda bacha pora tai Congress Party huijabole kura toh kinika huthese. Huilebi tai laga bapa aro khor manu kan eku juwab nade kena thakise koi kena, etu Manvendra Singh, 54 sal dangor pora NDTV khobor te janaise koise.
Etu Singh toh BJP Party nemite thaka laga ase. Huilebi jua moina September 22 te charidese. Aro eneka huikena Wednesday din tai Congress Party huijaise koise.
Add Comment