Maoists para CRPF commando ke jarishe

April 9, 2021. Thursday din te Maoists para CRPF commando Rakeshwar Singh Minhas thurikena thaka toh jarishe koikena janaishe. CRPF cobra commando ke toh April 3 darik Chhattisgarh’s Bastar jaga te Maoists para ambush kora te etu jawan ke thurishe. CRPF commando Rakeshwar Singh Minhas ke south Bastar te nejana jungle te jarishe. “CRPF’s CoBRA battalion commando ke social worker Dharamlal Saini aro tribal community leader Telam Boraiya laga hath te thishe,” koikena officials khobor toh TOI para janaishe. Manhas toh 210th CoBRA (Commando Battalion for Resolute Action) battalion, CRPF unit para ase koishe. Tuesday din te CPI (Maoist) para Hindi statement te koishe ke, Manhas ke ambush kora jaga te thurishe aro olop beche te tai ke jariboli nemite Chhattisgarh government logot interlocutors juniboli koishe. Saturday din Tekalguda aro Jonaguda jaga pithor te security forces aro ultras khan bantok para larai kora samai 22 sepia morishe aro dosura 31 neshina jokom paishe. 22 jawan pithor te 8 jun toh Central Reserve Police Force (CRPF) ase 7 jun CoBRA commandos, 1 jun Bastariya’ battalion, 8 jun District Reserve Guard (DRG) aro 6 jun toh Special Task Force (STF) para thakishe koishe.