Mara Autonomous District Council election junaishe

AIZAWL: Mizoram State Election Commission para Mara Autonomous District Council (MADC) elections junaishe, etu toh south Mizoram’s Siaha district te Mara tribes district council nemite ase koishe. 25–member council nemite pooling darik toh May 5 darik 7 am aro 5 pm dak ase aro votes counting toh May 9 darik te thakibo, koikena state election commission’s laga notification hesab te janaishe. Etu election nemite nomination papers file koriboli last darik toh April 13 aro candidate laga withdrawal last darik toh April 18 ase, koikena notification te aro janaishe. Nomination papers Scrutiny koriboli toh April 13 darik ase. Election kam toh May 11 darik dak te kotom koribo aro May 13 darik para toh notun council laga kam soruh koribo. Mizoram State Election Commission te 25 constituencies aro 81 polling stations ase. March 29 darik te final roll janai deya te, sob melaikena 42,326 electorates pithor te 21,960 maiki voters khan para etu polls samai tai khan laga franchise exercise koribo. Siaha East-II constituency te sobse besi 2,808 voters ase aro Amohtlah constituency te sobse komti 1,049 voters ase koikena commission para janaishe. Mizoram State Election Commission toh ADCs constituted pithor te state laga southern part te sixth schedule ekta ase. Etu jaga toh erstwhile Pawi-Lakher regional council para Lakher Autonomous District Council koikena 1972 saal te state laga Mara manuh nemite bonaishe. Itya laga nam toh 1988 saal te paishe. Etu council pithor te 25 elected aro tinta(3) nominated members ase. Last council poll toh May 2017 saal te loishe aro Congress para 17 seats powa nemite tangor kamyaab paishe, etu oper te Mizo National Front (MNF) aro Mara Democratic Front (MDF)  melaikena 7 seats paishe aro ekta(1) independent candidate be kamyaab paishe. Etu beche, MDF members khan para BJP joined korishe. Etu council toh June 2019 dak BJP pithor te thakishe, hoilebi Congress members khan BJP te jaikena itya N. Zakhai toh Chief Executive Member (CEM) ase. 25- member council pithor te itya BJP 17  members, MNF (6) aro Congress (2) ase.