Karnataka, 10 March 2025: Kannada actor Ranya Rao, kun ke gold smuggling kura dhuri shey Dubai pra Kempegowda International airport te Bengaluru te, taike Monday din te court samne te anishey. Court hearing time te, Ranya pra Directorate of Revenue Intelligence (DRI) officials khan ke verbally abuse kura accused kuri shey tai kicha taikhan laka question ke jawab dibo leh rukhi jai. DRI khan ke earlier actor laka custody dishey aji tak, ekta special Court for Economic Offences khan pra Friday din te taila arrest hwa pichideh ekta high-proflie gold smuggling case te. Aji, taike Justice Vishwanath C Gowdar laka samne te anishey, kun taike judicial custody te remand kuri shey 14 din tak karne.
Court proceedings time te, investigating officer (IO) khan pra judge ke janai dishey ki Ranya k eke harassment te subject thaki nai DRI officials khan pra. Officer pra koishey, Tai kila questions ke b jawab dibo leh manjur kuri nai interrogation time te. Kicha taike hutibo, tai chup chap thake. Moikhan investigation sop toh record kuri kina ase. IO khan further alleged kuri shey ki tai jawab dinai kicha evidence khan dikha time te b aro specific questions huti shey. ID pra alleged kuri shey, Tai laka lawyers khan pra taike koishey ki kuribo aro nakuribo court te gusa time te.
Etu revelations khan pra judge ke led kuri shey Ranya laka legal team ke question kuribo leh tai khan laka role regard kuri kina tai laka khota khan influence kura te. Ranya tai laka part te, judge ke koishey ki taike dhamki dishey aro verbally abused kuri shey. Ranya pra judge ke koishey, Moi jawab nadileh, taikhan moike dhamki deh, koishey, tui janeh nanai tuike khota nakuri leh ki hubo. Ranya, kapi kapi na awaz te koishey tai mental harassment suffered kuri shey. Ranya pra aro koishey taike documents sign kuribo dishey taila will against te.
Add Comment