Mumbai: Marathi film industry laga 25 umar actress aro tai laga nutun jonom huwa bacha Maharashtra’s Hingoli district Sunday te murishe ambulance nathaka nimete .
Etu murijaa actress Pooja Zunjar, laga ghor manu koishe ki tai toh jinda thakibole thakishe ambulance thik time te paikena thakishe koile toh.Etu hadsaa kuntu toh October 21 assembly election time te hoishe etu para state laga infrastructure kinika ase dikhai rural Maharashtra te political parties khan para rural manu khan ke quality health care dibole thaka nimete .
Etu hadsaa toh 6:30 am October 20 Hingoli district te hoishe komti hoilebi 590 km Mumbai, Marathwada region te jaikena hoishe.Police officials koishe Pooja toh primary health centre Goregaon te luijaishe tai buwa jaka te 2 am Sunday te tai labor te jaa pichede .Pooja para jonom dishe hoilebi etu nutun jonom kuras bacha toh murijaishe few minutes bithor te etu bi tai laga health giri jaa pichede .
Officials koishe”Primary health centre laga doctors khan para Pooja laga ghor manu khan ke tai ke Hingoli civil hospital te luijaa bole kotha kurishe etu toh Goregaon para 40 kms jaikena ase .Hoilebi tai laga ghor manu khan ambulance bisaribole paranai.Tai khan etu pichede ekta private ambulance paikena Pooja ke Hingoli laga civil hospital te luijabole thakishe hoilebi tai journey te murishe.”
Police khan para ekta medico-legal case kurishe aro Pooja laga ghor manu khan laga statement record kurishe .Pooja para duita Marathi movies te lead role kurishe.Tai bacha bukha nimete tai kaam para chuti loishe.
Add Comment