Marcus Thuram: “Mui Kylian lokot deh b bhal dikeh”

June 16, 2024: Ekta journalist para France player Marcus Thuram tho Kylian Mhappe ase kui nah papi shae aro Marcus Thuram lokot deh ekta joker jawab taki shae. Tai para playfully former Saint German forward keh ekta “ninja turtle” mati shae. “Kylia para tho mui heh handsome ase. Mui ekta jinja tutle nishi nah nadi keh,” tai para France laka opening match agae deh kui shae, ekta pre-match press conference deh. Mhappe, kun recently taila much awaited move complete kuri shae, Real Madrid deh, tai Hugo Lloris laka hath para leadership mantle tho lui shae. Etu eki press conference deh, Thuram para taila fellow citizens kan keh hotai fight kuri b kui shae, aha snap parliament deh nationalist far right kan keh power nadi bole. “Mui laka papna deh situation tho mun duk laka kotha ase. Etu tho bishi serious ase. Canada laka against match kila piche deh jani shae mui. Mukan sob dressing room deh shock taki shae,” Thuram para kui shae. Tai para aro sob manu keh jai nah vote di b kui shae. “Mukan hotai fight kuri b oleh lageh, enaka nahu bo dibo karne,” tai para kui shae. Macron para Sunday din deh national assembly karne election mata piche deh, nation keh surprise kuri di shae. Etu tho Marine le Pen laka anti immigration National Rally, European Parliament elections deh historic gains kan pah piche deh hui shae. Enaka hua tho Paris aro France laka jaka deh protest kan hui taki shae.