Dimapur, December 22: Kevisedenuo Margaret Zinyü pora World Craft Council Award of Excellence 2018 paise. Ito toh ektum dangor excellence laga award ase. Kevisedenuo Margaret Zinyü toh ito nisena award jita toh Nagaland te First ase. aro ito oporte inaka award toh North East nimete bi poila wala ase. World Crafts Council pora WCC Award of Excellence 2018 laga final result announced korise aro ito te Kevisedenuo Margaret Zinyü bi ekta winner thakise. Ito jita manu khan laga naam WCCAPR laga website wccapr.org te announced kora thakise. Ito award toh international te ektum dangor mana ekta award ase. aro ito award toh craftsperson lagakaam ke international pora recognised aro commendation korikena certificate ekta diya laga ase. ito award pora arobi doosra award aro recognition nimete apply bi koribole paripole ase inaka koishey. Duniya laga craft excellency level te sobse dangor wala awrd ekta ase aro ito pora craft production laga benchmark set koridi. Ektum mihin aro lamba hisab kitab kora pijete hi ito award nimete choose kori. Ulag ulag country pora samaan khan ke phal pora study kora pijete hi ito award nimete choose kora ase. ito award jitibo nimete samaan toh phal hobolage, authentic hobo lage, notun idea thakibo lage, pikeri koribole paripo lage, eco friendly hobo lage, aro sosta hobo lage. Ito khan sob thik hoile toh hi ito award toh di koishey.
Kevisedenuo Margaret Zinyü toh National Institute of Design (NID) Ahmedabad, pora 2005 te graduate hoa ase. tai pora tai nijor laga label Woven Threads koikena 2014 te shoro korise. Tai pora tai nijor laga collection Nagaland laga crafts women khan laga pora shoro korise. Margaret laga sapona toh Nagaland laga weavers khan ke self- sufficient ponaidibole lag ease. Tai pora kisim kisim professional skill ulag ulag industry pora janikena ase. kari , kapara, paper aro museum design khan laga kisim kisim kaam janikena ase. Margaret pora trend research aro colour forecasting shikai aro training bi di ase.
World Crafts Council toh 1964 te start kora ase. aro ito pora duniya laga craft kora manu aro organisation haar kona pora jama koridikena ekta shared community hobole diya ase. WCC laga member khan toh Europe, Asia, North America, Latin America aro Africa te pise active ase. World Crafts Council (WCC AISBL) toh ekta non profit organisation ase . ito organisation pora fellowship, economic development anidi aro exchange programme, workshops, conferences, seminar khan organise kori. World Crafts Council (WCC AISBL) pora craft manu khan ke encourage kori aro advice aro modot khan bi di. World Crafts Council (WCC AISBL) toh UNESCO te affiliated hoikena ase.
Add Comment