Marine Le Pen logode psychiatric tests sabole koise

Paris, 21 September: Thursday din France laga leader Marine Le Pen toh gusha howah thakise. Tai gusha howah toh psychiatric tests koribe koi-kena order kora karni gusha howah ase. Tai ke psychiatric tests jabi kowah toh, Islamic State group pora hamla kori kena besi jun moraide kena thaga photo tweet de upload kora karni kowah laga ase. Le Pen  pora December 2015 sal de ektum beya hatsa howah photo share kora thakise. Etu timed de IS jihadists pora Paris de hamla kora time de 130 jun moraideya thakise. Etu pora France khan logode ektum beya pora bodhnaam kora thakise. Last presidential vote time de National Rally  laga 50-sal leader toh Emmanuel Macron logode hara thakise. Thursday din court pora order koi-kena thaga psychiatric test laga copies toh tweet de upload kora thakise. Dated September 11 time de Le Pen logode tests koribole ase. Etu time de tai logode remarks buchi pain a na-pai aro question huta de jawab debole pari na na-pari sabole ase. Test koribole laga de Le Pen pora kowah toh, tai test de na-jabo koise aro etu toh government pora tai ke sorom khelabole plan kora laga ase koise. National Assembly de reporter logode Le Pen pora kowah toh, tai logode state khan pora thek kora nai koise aro tai etu order de na-manibo koise.