London: Khobor hesab te former cricketer Mark Ramprakash ke tai laga England laga bating coach para hatai dishe. Etiya Graham Thorpe toh ani thaka Ashes series te takeover kuribole expect kuri ase.
Ramprakash, tai laga Twitter account duwara lekhishe ke moi etiya he khobor paishe ke moi toh Ashes series te involve nathakibo. Jua panch saal para moi team ke support kuribole para nimite etu moi nimite bishi dangor privilege thakishe. Moi sob staffs aro players khan ke aha future nimite best of luck de ase.
Ramprakash toh national team logote 2014 saal para kaam kuri ahi ase. Aro etiya agi-kali ke tai laga pura dehan (focus) toh Test format te lagaishe. Aro Thorpe toh ODI set-up te regularly kaam kuri ahi ase.
Former England player toh tai laga contract hesab te gorom mousom khotom nohuwa tok kaam kuri thakibole lagishele. Hoile bhi tai ke schedule khotom nohuwa agote he kaam para olai dishe.
Tai laga akhri England assignment toh Windies khilaf te thakishe. Etu series te England 2-1 para harishe.
Add Comment