Mark: WhatsApp te poisa botha fees nalobo

California (US): November 6, 2020. WhatsAp para poisa botha samai fees eku nalobo koikena Thursday din Facebook laga CEO Mark Zuckerberg para junai thishe. Etu kotha toh National Payments Corporation of India (NPCI) para WhatsApp logot UPI toh multi-bank model hesab te jabole kowa beche ase. Mark Zuckerberg para video statement te koishe ke 140 banks oper para motob koribo ase. “etai manuh khan para ghor manuh aro sati khan logot WhatsApp te asani para poisa bothaboli paribo aro etu message botha neshina thakibo. Etu samai fees nalobo, aro 140 banks para motob koribo. WhatsApp howa nemite, secure aro aro private thakibo” koikena tai koishe. Tai para aro koishe ke, payment toh WhatsApp te 10 Indian regional kotha te thakibo. “manuh khan logot bank laga debit card thakibo lage aro etu UPI support kam koribo. Etu WhatsApp laga notun version te bobo” tai koishe. “ami khan etu kam toh National Payments Corporation of India, logot melikena kori ase, aro tai khan para hoshari te sai ase. Aro ami khan para India’s Unified Payments Interface loikena bonaishe, etu para sob manuh nemite asani kam kori thibo”. November 5 darik te NPCI para koishe ke, WhatsApp para UPI user khan ke  tangor hoikena jabole koishe. Aro etu soru samai besi para 20 million UPI registered paribo. NPCI toh 2008 saal te soru howa ase aro tai khan toh India te  payment aro settlement systems nemite kam kori ase.